Праўладныя сацыёлагі: Беларусаў задавальняе цяперашняя канстытуцыя
Каля 60% беларусаў лічаць, што дзейная Канстытуцыя адпавядае грамадскім запытам. Аб гэтым заявіў сёння журналістам дырэктар праўладнага аналітычнага цэнтра EcooM Сяргей Мусіенка, каментуючы вынікі так званага «сацыялагічнага даследавання», паведамляе БелТА.
«Базавыя пытанні былі: як вы лічыце, ці адпавядае дзейная Канстытуцыя патрэбам грамадства і дзяржавы? На гэтае пытанне станоўча адказалі 57,8% рэспандэнтаў, адмоўна — 27,3%», — сказаў дырэктар аналітычнага цэнтра.
Паведамляецца і аб тэлефонным апытанні. Яго даныя трохі адрозніваюцца. «60,1% лічыць, што дзейная Канстытуцыя адпавядае грамадскім запытам. У прынцыпе, я таксама так лічу, гэта маё суб'ектыўнае меркаванне. Але, аказваецца, яго падзяляе большасць жыхароў краіны», — адзначыў Сяргей Мусіенка.
