Суд па справе журналісткі Кацярыны Барысевіч і доктара Арцёма Сарокіна пачнецца 19 лютага
Суд па справе журналісткі Tut.by Кацярыны Барысевіч у Доме правасуддзя пачнецца 19 лютага (пятніца) а 10.00.
Кацярына Барысевіч і доктар-анестэзіёлаг Бальніцы хуткай медыцынскай дапамогі Арцём Сарокін былі затрыманыя 19 лістапада 2020 года, нагадвае Tut.by.
Пазней ім выставілі абвінавачванне ў «разгалашэнні медыцынскай таямніцы, што пацягнула цяжкія наступствы» (ч. 3 арт. 178 КК РБ).
Падставай стаў апублікаваны 13 лістапада артыкул, у якім гаварылася, што ў крыві Рамана Бандарэнка, які памёр пасля збіцця 11 лістапада на «плошчы Перамен», не было алкаголю.
Гэта разыходзіцца з версіяй СК і Аляксандра Лукашэнкі, нагадвае Tut.by.
Кацярына Барысевіч і Арцём Сарокін знаходзяцца ў СІЗА №1 Мінска. Пры гэтым родныя Рамана да журналісткі і доктара прэтэнзій не маюць.
