Расія і Беларусь вяртаюць чыгуначныя рэйсы
Расія аднаўляе пасажырскае чыгуначнае злучэнне з Беларуссю, якое было перапынена ў сакавіку з-за каранавіруса. Такое рашэнне было абвешчана на аператыўным штабе па прадухіленні завозу і распаўсюджвання COVID-19, паведамляе «Інтэрфакс».
Аднаўленне перавозак запланавана на 8 лютага, адпаведныя дакументы падпісаў прэм'ер-міністр Расіі Міхаіл Мішусцін.
Так, на ўзаемнай аснове будуць адноўленыя перавозкі па маршруце Мінск — Масква — Мінск і па маршруце Масква — Калінінград, Калінінград — Санкт-Пецярбург са спыненнем цягнікоў у Мінску.
Таксама з 8 лютага на ўзаемнай аснове будзе павялічана колькасць рэгулярных авіярэйсаў Масква — Мінск з трох да пяці на тыдзень, а таксама адноўлена паветранае злучэнне з Растовам-на-Доне і з Санкт-Пецярбурга ў Мінск па адным рэйсе на тыдзень з кожнага аэрапорта.
