Стартап Ілана Маска ўжывіў у мозг малпы чып, які дазваляе сілай думкі гуляць у відэагульні
Нейратэхналагічны стартап Neuralink мільярдэра Ілана Маска, які распрацоўвае інтэрфейс для падключэння мозгу да камп'ютара, паспяхова ўжывіў у мозг малпы чып, пасля чаго яна стала здольная гуляць у відэагульні з дапамогай розуму.
Пра гэта заснавальнік кампаніі Ілан Маск распавёў у чаце ў дадатку Club house, паведамляе meduza са спасылкай на Bloomberg.
«У нас ёсць малпа з бяздротавым імплантатам у чэрапе з малюсенькімі дратамі, якая можа гуляць у відэагульні з дапамогай свайго розуму», — сказаў ён.
Маск адзначыў, што імплант незаўважны, а малпа «шчаслівая». Па словах прадпрымальніка, кампанія Neuralink разлічвае, што паддоследныя малпы будуць гуляць адна з адной у інтэлектуальны пінг-понг.
Маск паабяцаў у найбліжэйшы час, прыкладна праз месяц, паказаць відэа з малпамі, якія гуляюць у відэагульні.