Санаторый у Юрмале, што належыць Кіраўніцтву справамі Лукашэнкі, не трапіў пад санкцыі
Літоўскі банк Swedbank з-за санкцый заблакаваў рахункі санаторыя «Беларусь» у Друскеніках, таму праца прадпрыемства прыпыненая. Але юрмальскі санаторый «Беларусь» не трапіў пад еўрапейскія санкцыі і працягвае працаваць, піша Delfi.
Санаторый «Беларусь» афіцыйна з'яўляецца беспрыбытковай арганізацыяй, у праўленні лічацца дзве грамадзянкі Беларусі і грамадзянін Латвіі. Юрмальскаму санаторыю ўдалося пазбегнуць санкцый, дзякуючы юрыдычным нюансам. У прэс-службе МЗС Латвіі растлумачылі, што юрмальскае прадпрыемства звязана з Упраўленнем справамі Лукашэнкі, у дачыненні да якога не ўведзены санкцыі.
У выпадку з Літвой санаторый знаходзіцца пад патранажам «Галоўнага гаспадарчага ўпраўлення» Упраўлення справамі Лукашэнкі, а юрмальскі — Кіраўніцтва справамі. Санкцыі ўведзены ў дачыненні да Гаспадарчага ўпраўлення, а не Кіраўніцтва справамі.