Знайсці
22.01.2021 / 23:12

Асноўнае за 22 студзеня: самападпал на плошчы Незалежнасці, выступленне Ціханоўскай у ААН, 39 дзень галадоўкі Ігара Лосіка

На плошчы Незалежнасці чалавек здзейсніў самападпал.

Паведамляецца таксама, што полымя з палаючага чалавека збілі ахоўнікі Дома ўрада пры дапамозе вогнетушыцеляў, на месца здарэння прыехала хуткая дапамога, якая забрала пацярпелага.

Пазней Мінздароўя паведаміла, што мужчына знаходзіцца без прытомнасці, а пры першасным аглядзе супрацоўнікі хуткай дапамогі дыягнаставалі ў яго больш за 50% апёкаў. Яго транспартавалі ў Рэспубліканскі апёкавы цэнтр.

Што вядома пра чалавека, які падпаліў сябе на плошчы Незалежнасці. Расказвае жонка.

35-гадовы мінчук Павел Банькоўскі падпаліў сябе на плошчы Незалежнасці ў Мінску. Яго адвезлі ў Рэспубліканскі апёкавы цэнтр, у яго больш за 50% апёкаў.

Быў у «Зубры», меў рыцарскі псеўданім Лютувер. Расказваюць сябры мінчука, які падпаліў сябе на плошчы Незалежнасці.

Былая жонка кажа пра праблемы з алкаголем, праўладныя тэлеграм-каналы адкрыта глумяцца, указваючы на судзімасці Банькоўскага і называючы яго неанацыстам. 

У спробе зразумець, што за чалавек Павел Банькоўскі, «Наша Ніва» пагаварыла з яго сябрамі і знаёмымі.

Дзяўчыне, што распісала шчыты ля Палаца Незалежнасці, далі два гады калоніі. Яе хлопцу — паўтара.

У судзе Кастрычніцкага раёна Мінска 22 студзеня былі вынесеныя прысуды Сафіі Малашэвіч і Ціхану Клюкачу. Яны прызнаныя вінаватымі па ўсіх артыкулах.

«Перавялі ў камеру з кругласуткавым назіраннем». Ігар Лосік галадае ўжо 39 дзён.

За кратамі блогер і палітвязень знаходзіцца з 25 чэрвеня 2020 году — ужо 209 дзён, а галадае з 15 снежня.

Святлана Ціханоўская выступіла на анлайн-пасяджэнні Рады Бяспекі ААН.

Тэмай пасяджэння стала свабода СМІ ў Беларусі. Сустрэча ініцыяваная членамі Савета бяспекі з Эстоніі, Францыі, Ірландыі, Нарвегіі, Вялікабрытаніі і ЗША.

«Смелыя, таму не сталі ўцякаць ад АМАПа». Братам далі 40 сутак на дваіх за дваравы марш, адзін з іх — фізік Акадэміі навук.

Пасля учорашняга хапуна на дваравым маршы на вуліцы Адоеўскага ў Мінску за краты адправілі двух братоў — Іллю і Яўгена Карусейчыкаў. Першаму далі 15 сутак, другому — 25.

Карпянкоў анансаваў выдачу смяротнай зброі «дружыннікам» і паўтарыў тэзіс пра «лішніх людзей».

У нумары часопіса «Спецназ» за лістапад — снежань 2020 года выйшла гутарка з намеснікам міністра ўнутраных спраў Мікалаем Карпянковым. Мы сабралі асобныя цікавыя цытаты.

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28