Знайсці
22.01.2021 / 17:20

Палітзняволеная Наталля Хершэ галадоўкай дамаглася выканання сваіх патрабаванняў

Як стала вядома «Свабодзе», 18 студзеня зьняволеная Наталья Хершэ абвясьціла галадоўку ў турме. Прычынай стала тое, што ёй перасталі прыходзіць лісты зь мінулага году, расказаў брат Натальлі Генадзь.

Павялічыць

19 студзеня Натальля Хершэ напісала афіцыйную заяву на адмову ад харчаваньня. Пасьля гэтага яе перавялі ў камэру зь лепшымі ўмовамі. Цягам трох дзён ёй перадалі 38 лістоў.

Натальля спыніла галадоўку, бо яе патрабаваньні выканалі. Цяпер яна ў добрым настроі, адчувае сябе бадзёра, перадае адвакат зьняволенай.

Грамадзянку Швайцарыі і Беларусі Натальлю Хершэ 7 сьнежня адправілі на два з паловай гады ў калёнію за супраціў міліцыянту. Паводле крымінальнай справы, 19 верасьня Хершэ затрымалі на мітынгу. Падчас затрыманьня Натальля ня выканала патрабаваньня пайсьці ў спэцтранспарт і схапіла 22-гадовага амапаўца Сяргея Кончыка за твар. Сарвала балаклаву, тым самым «сапсавала форменнае абмундзіраваньне» і «нанесла цялесныя траўмы» ў выглядзе драпін. Матэрыяльная шкода за сапсаваньне балаклавы склала ўсяго 1 рубель.

Беларускія праваабаронцы палічылі прысуд непрапарцыйным парушэньню, палітычна матываваным і прызналі Натальлю Хершэ палітычным вязьнем.

Яшчэ адзін беларускі палітвязень, адміністратар тэлеграм-каналу «Беларусь головного мозга» і кансультант «Радыё Свабода» Ігар Лосік, працягвае галадоўку пратэсту ўжо 39 дзён. Ён за кратамі з 25 чэрвеня (ужо 209 дзён), галадоўку абвясьціў 15 сьнежня, калі яму выставілі новыя абвінавачаньні — у падрыхтоўцы да ўдзелу ў масавых беспарадках. Раней Лосіка абвінавачвалі ў арганізацыі альбо падрыхтоўцы дзеяньняў, якія груба парушаюць грамадзкі парадак.

Чытайце:

«У Швейцарыі ў яе было цудоўнае жыццё, але яна лічыла, што цяпер мусіць быць на радзіме». Хто такая Наталля Хершэ, якую пасадзілі за сарваную балаклаву

Праваабаронцы прызналі грамадзянку Швейцарыі Наталлю Хершэ палітвязнем

Што адбываецца з чалавекам падчас галадоўкі? Расказваюць доктар і беларус, які галадаў на пратэст пяць разоў

Радыё Свабода

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28