Беларусь могуць пазбавіць права на правядзенне ЧС-2021 па сучасным пяцібор'і
Беларускі фонд спартыўнай салідарнасці заклікаў Міжнародны саюз сучаснага пяцібор'я (UIPM) не праводзіць чэмпіянату свету ў Беларусі.
world-sport.org
«Не трэба ўзнагароджваць рэжым Лукашэнкі правядзеннем такіх буйных турніраў у краіне. У Беларусі грамадзяне падвяргаюцца гвалту, катаванням і дыскрымінацыі з боку ўладаў, а амаль 200 палітычных зняволеных утрымліваюцца ў турмах. Сучаснае пяцібор'е не павінна асацыявацца з падтрымкай жорсткага рэжыму Лукашэнкі. Заклікаем вас адклікаць права Беларусі на правядзенне чэмпіянату свету», — піша БФСС.
«Палітычны ціск ёсць, без сумненняў. Але мы не дазволім паўплываць яму на наша рашэнне. Прымем правільнае рашэнне пасля таго, як узважым усе аргументы», — сказаў прэзідэнт UIPM Клаўс Шорман.
Чэмпіянат свету павінен прайсці з 7 да 13 чэрвеня.
