Святлана Ціханоўская сустрэлася з прэзідэнтам Эстоніі
Святлана Ціханоўская пачала рабочы візіт у Эстонію і сустрэлася з прэзідэнтам Керсці Кальюлайд.
Кальюлайд распавяла, што Эстонія ўжо робіць для Беларусі: вылучылі 700 тысяч еўра на падтрымку адукацыйных і грамадскіх ініцыятыў.
Ціханоўская заклікала падтрымаць пашырэнне санкцый, дадаўшы ў спісы супрацоўнікаў АМАП і ГУБАЗіК, суддзяў і бізнэсоўцаў, якія падтрымліваюць рэжым. Мікалай Карпянкоў ужо знаходзіцца ў эстонскім спісе.
Абмеркавалі магчымасць старту ў Эстоніі спраў па ўніверсальнай юрысдыкцыі, бо некалькі беларусаў цяпер праходзяць у Эстоніі рэабілітацыю пасля гвалту з боку сілавікоў у Беларусі.
Палітыкі пагаварылі аб супрацоўніцтве паміж урадам Эстоніі і Кабінетам Святланы Ціханоўскай у пытанні эканамічных і лічбавых рэформаў, развіцця IT-сектара.
Абмеркавалі УНС і канстытуцыйную рэформу, якую хоча правесці Лукашэнка.
