У Расіі падалі дакументы на рэгістрацыю трэцяй вакцыны ад каранавіруса
Яе распрацаваў Федэральны навуковы цэнтр даследаванняў і распрацоўкі імунабіялагічных прэпаратаў імя Чумакова пры Расійскай акадэміі навук.
ТАСС
Дакументы пададзены на рэгістрацыю ў Міністэрства аховы здароўя Расіі, піша РБК.
«Дакументы накіраваны на экспертызу, пасля яе заканчэння будзе вырашацца пытанне дзяржаўнай рэгістрацыі. Такім чынам, у Расіі будуць даступныя вакцыны, створаныя па трох розных тэхналогіях, што, безумоўна, стане сур'ёзным укладам у перамогу над пандэміяй COVID-19», — сказаў кіраўнік Міністэрства аховы здароўя на Міхаіл Мурашка на селектарнай нарадзе з прадстаўнікамі рэгіёнаў.
Нагадаем, у Расіі і Беларусі прышчапляюць вакцынай «Спадарожнік V», пададзены дакументы на рэгістрацыю вакцыны «Эпіваккарона» ад навуковага цэнтра «Вектар».