Ціханоўская аб паралелях з Навальным: Я хачу бяспечна вярнуцца ў Беларусь
Святлана Ціханоўская правяла анлайн-сустрэчу з пасламі АБСЕ.
Фота з тэлеграм-канала Святланы Ціханоўскай
Ціханоўская прапанавала арганізацыі па бяспецы і супрацоўніцтве ў Еўропе (АБСЕ) ўзяць на сябе арганізацыю дыялогу па вырашэнні крызісу ў Беларусі. Пачаць з экспертнага круглага стала з удзелам ЕС, дэмакратычных сіл Беларусі, КР і прадстаўнікоў рэжыму Лукашэнкі. «Мы разлічваем правесці выбары за 45 дзён, і нам патрэбна дапамога ў гэтым», паведамляе яе тэлеграм-канал.
Таксама падчас сустрэчы было закранута пытанне вяртання Навальнага ў Расію.
Святлана заклікала міжнародныя арганізацыі дапамагчы ў арганізацыі бяспечнага вяртання дадому для яе і іншых лідараў дэмакратычных сіл:
«Разам з міжнароднай супольнасцю я б хацела знайсці магчымасці бяспечна вярнуцца ў Беларусь. Паколькі супраць мяне распачалі дзве крымінальныя справы з Міждзяржаўным вышукам, гэта павінны быць спецыяльныя гарантыі майго вяртання. Сітуацыя з Навальным паказала, што ў гэтым патрэбная дапамога міжнароднай супольнасці і, перш за ўсё, АБСЕ», — мяркуе Ціханоўская.