Знайсці
18.01.2021 / 13:06

«Паэтапная эскалацыя абстаноўкі вакол умоўных краін»: вучэнні «Захад-2021» правядуць з 10 па 16 верасня

Міністр абароны Віктар Хрэнін праінфармаваў Аляксандра Лукашэнку аб задуме сумесных беларуска-расійскіх стратэгічных вучэннях «Захад-2021».

Павялічыць

Фота прэс-службы Мінабароны

У іх аснову пакладзены адзін з варыянтаў паэтапнай эскалацыі ваенна-палітычнага становішча вакол умоўных краін, паведамляе Мінабароны ў сваім тэлеграм-канале.

Па прапанове расійскага боку вучэнне плануецца на тэрыторыі дзвюх дзяржаў. Гэта дазволіць адначасова адпрацаваць і пытанні падрыхтоўкі прымянення рэгіянальнай групоўкі войскаў Беларусі і Расіі, і пытанні вядзення армейскіх аперацый.

Як паведаміў кіраўнік Мінабароны журналістам, вучэнне дазволіць вырашыць комплекс задач:

— апрабаваць новыя спосабы сумесных дзеянняў зводных штурмавых падраздзяленняў на высокаўрбанізаванай мясцовасці;

— ацаніць эфектыўнасць новых і мадэрнізаваных узораў узбраення і ваеннай тэхнікі;

— пазычаць нарастаючы баявы вопыт расійскіх афіцэраў і, выкарыстоўваючы яго, працягнуць удасканальваць формы і спосабы прымянення войскаў.

Плануецца, што «Захад-2021» пройдзе на працягу сямі дзён — з 10 па 16 верасня — пад кіраўніцтвам начальнікаў генеральных штабоў узброеных сіл Беларусі і Расіі.

Папярэднія вучэнні «Захад» прайшлі ў 2017 годзе. Манеўры адбыліся на шасці палігонах і двух участках мясцовасці ў Беларусі і трох палігонах у Расіі. У іх было задзейнічана амаль 13 тысяч вайскоўцаў, каля 70 самалётаў і верталётаў, да 680 адзінак баявой тэхнікі, у тым ліку каля 250 танкаў, да 200 гармат, рэактыўных сістэм залпавага агню і мінамётаў. За вучэннямі назіралі прадстаўнікі сямі дзяржаў, у тым ліку краін НАТА.

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
люты сакавік красавік
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31