Знайсці
16.01.2021 / 15:54

18-гадовы палітвязень узяў віну на сябе, але і яго сяброўку не вызвалілі. Зірніце, як ён малюе

Павялічыць

Сярод чатырох соцень зняволеных за палітыку ў Беларусі — трое зусім маладых, 18-гадовых. Дваіх з іх, Сафію Малашэвіч з Мазыра і Ціхана Клюкача з Брэста, акурат цяпер судзяць. Падчас следства Ціхан браў віну на сябе, спадзеючыся такім чынам адвесці падазрэнні ад дзяўчыны. Беспаспяхова: і яго, і яе не вызвалілі.

Абвінавачваюць іх у нанясенні 6 верасня надпісаў з балончыка на шчыты сістэмы «Рубеж», якую выставілі супраць мірных дэманстрантаў у Мінску, што пратэставалі супраць фальсіфкацыі выбараў і беззаконня.

У іншых еўрапейскіх краінах за такое дзеянне пагражала б максімум адміністрацыйнае пакаранне, кажуць праваабаронцы. І Ціхана, і Сафію прызналі палітычнымі вязнямі.

Як і многія палітвязні, Ціхан — шматбакова адораны чалавек. Ён яшчэ і малюе.

Вось якія малюнкі атрымаў у лісце ад Клюкача берасцеец Ігар Бараноўскі, які, так супала, сядзеў разам з ім нейкі час у Столінскім ІЧУ.

Сярод малюнкаў — партрэт кіраўніка Паўстання 1863-64 гадоў Кастуся Каліноўскага. Малюе Ціхан на тых аркушыках, якія толькі яму даступныя.

Напісаць ці адправіць тэлеграму Ціхану Клюкачу можна на адрас: Следчая турма 8, вуліца Савецкая 22а, Жодзіна 222163.

Павялічыць

«Справы ў мяне нядрэнна, — піша Ціхан Клюкач. — настолькі нядрэнна, наколькі гэта ўвогуле можа быць у гэтых сценах. Горш за ўсё тое, што няма магчымасці чытаць, бо не даюць перадаць кнігі», — піша Клюкач у лісце.

Павялічыць

«Мяне абурае сацыяльная несправядлівасць». Пачаўся суд па справе 18-гадовай Сафіі, якая распісала «Рубяжы»

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28