У Беларусі зноў запусцілі дастаўку лекаў
Пасля майскага эксперыменту ў Беларусі зноў дазволілі дастаўку лекаў і іншых аптэчных тавараў — на гэты раз да 1 ліпеня. Першымі сэрвіс перазапусцяць аптэчныя сеткі ADEL і «Добрыя лекi». Кур'еры развозяць заказы пры пакупцы ад 30 рублёў у той жа дзень у Мінску і Віцебску ці ў рэжыме «сёння на заўтра» ў астатніх абласных цэнтрах.
Упершыню дастаўку дазволілі ў маі мінулага года на піку «першай хвалі» каранавіруса. У зацверджаны ўрадам спіс увайшлі 29 аптэчных арганізацый, але сэрвіс запусцілі толькі некалькі буйных сетак.
Прапрацаваў ён нядоўга: 1 ліпеня скончылася дзеянне дазволу, а падаўжаць яго не сталі. Аднак пілотны праект рэаніміравалі праз 5 месяцаў — 30 снежня быў падпісаны ўказ № 512, што дазволіў аптэчным сеткам развозіць лекі пакупнікам да 1 ліпеня 2021 года.
Як і раней, замовіць можна толькі безрэцэптурныя лекі і спадарожныя тавары — касметыку, сродкі гігіены, медтэхніку і прадукты харчавання. А вось БАДы і прэпараты, якія патрабуюць рэцэпту ці адчувальныя да тэмператур, можна папрасіць даставіць у найбліжэйшую аптэку і потым забраць самавывазам.
Аптэчныя сеткі ADEL і «Добрыя лекi» пачалі развозіць лекі па дамах у Мінску і ўсіх абласных цэнтрах, у тым ліку ў радыусе 15 км ад іх. Сэрвіс таксама запрацаваў у Полацку і Наваполацку. Паступова геаграфію дастаўкі будуць пашыраць.
У той жа час магчымасць дастаўкі ў найбліжэйшую аптэку таксама дзейнічае ў раённых цэнтрах. Для выбару месца самавывазу даступныя больш за 320 аптэк ва ўсіх рэгіёнах. Сярод адрозненняў — запуск бясплатнай дастаўкі, але пры чэку ад 100 рублёў.
Калі выходзіць менш, праца курьера абыйдзецца ў 3 рублі, а мінімальная сума заказу — 30 рублёў. Дастаўка ў найбліжэйшую аптэку будзе бясплатная і без абмежаванняў па суме пакупкі — можна замовіць хоць аскарбінку.
Лекі развозяць па схеме «сёння на заўтра». У той жа дзень іх прывязуць у Мінску і Віцебску. Прадугледжана і бескантактная дастаўка.
Для забеспячэння ўмоў захоўвання і транспарціроўкі спецыяльна абноўлены аўтапарк. Выкарыстоўваюцца машыны з халадзільным абсталяваннем і спецыяльныя тэрмакантэйнеры.
Замовіць лекі можна на сайтах сетак ADEL і «Добрыя лекi» і па тэлефоне кантакт-цэнтра абедзвюх сетак. Сістэма браніравання дазваляе выбраць паміж дастаўкай да кватэры або да найбліжэйшай аптэкі (самавываз). Ва ўсіх гарадах аплаціць заказ можна з дапамогай банкаўскай карты ці наяўнымі.
