Ціханоўская падключылася да жывога эфіру ў інстаграме фельчара з Гродна. Паглядзіце на яго рэакцыю ВІДЭА
Фёдар Астаповіч працуе фельчарам на хуткай дапамозе ў Гродне, у сваім інстаграме ён расказвае пра каранавірус і розныя хваробы. У інстаграме ён вядзе акаўнт «Сумкін сын».
Увечары 10 студзеня Фёдар чарговы раз вёў эфір. Нечакана на 36-й хвіліне гутаркі да яе далучылася Святлана Ціханоўская.
«А-а-а, пачакайце, я тут памру зараз! — доўга не мог паверыць Фёдар. — Я зараз буду раўці тут на ўвесь эфір, на ўсю Беларусь».
Ціханоўская прызналася, што даўно глядзіць Фёдара, яшчэ «калі была не на сваім месцы».
«Федзя, ты класны, я табе сур'ёзна кажу. Дзякуй за ўсё, што ты робіш. Гэта проста цудоўна».
Святлана распавяла, што сама вядзе свой інстаграм-акаўнт і калі камусьці адказвае, то гэта яна.
«Хлопцы, мы разам, дзякуй вам за ўсё. Я спаць, у мяне яшчэ дзеці не пакладзеныя», — сказала Святлана і развіталася.
«Такое бывае наогул?!» — спытаў у падпісчыкаў ашаломлены Фёдар.
