БТ: Навагодняе віншаванне Лукашэнкі глядзелі 6,5 мільёна беларусаў. Плюс госці, плюс тыя, хто глядзеў пасля
Белтэлерадыёкампанія заяўляе, што навагоднюю прамову Аляксандра Лукашэнкі паглядзелі больш за 6,5 мільёна беларусаў.
Гэтыя лічбы нібыта былі атрыманыя ад платформы «Зала» і ад кампаніі «Рэальнае вымярэнне».
Прычым тэлепрапагандысты настойваюць, што насамрэч лічбы яшчэ большыя, бо, маўляў, не ўлічваюцца тыя, хто слухаў Лукашэнкі ў гасцях, і тыя, хто глядзеў зварот ужо пазней:
«Да гэтай лічбы варта дадаць тых, хто паглядзеў зварот ужо пазней — у рэжыме адкладзенага прагляду. Варта адзначыць, што абедзве выкарыстаныя сістэмы збору звестак не фіксуюць гасцявы прагляд. А з улікам асаблівасцяў навагодніх традыцый гэты фактар здольны аказваць істотны ўплыў на рэальныя паказчыкі тэлеглядзення ў бок яго павелічэння», — абвесцілі на БТ.
Адкрытае галасаванне ў папулярных беларускіх тэлеграм-каналах давалі зусім іншыя вынікі. 3% аўдыторыі «Нашай Нівы» і 6% аўдыторыі Tut.by заявілі, што слухалі Аляксандра Лукашэнку.
Чытайце. Колькасць дызлайкаў у 5 разоў перавышае колькасць лайкаў пад навагоднім зваротам Лукашэнкі ў ютубе
