Вакцыну Moderna ўхвалілі для выкарыстання ў ЕС
modernhealthcare.com
Еўрапейскае агенцтва па лекавых прэпаратах (EMA) рэкамендавала выдаць часовае рэгістрацыйнае пасведчанне для вакцыны ад каранавіруса вытворчасці амерыканскай кампаніі Moderna, піша ТАСС.
«Гэта другая вакцына, якая ўхвалена EMA», — гаворыцца ў дакуменце. Яе рэкамендуецца выкарыстоўваць для асоб, якім больш за 18 гадоў.
Першай вакцынай, ухваленай для прышчэпак ад каранавіруса, стаў прэпарат ад BioNTech/Pfizer, распрацаваны нямецкім навукоўцам Угурам Шахінам. Гэтай вакцынай сталі прышчапляць у краінах ЕС, у тым ліку ў Польшчы і краінах Балтыі, з 26-27 снежня.
На тэрыторыі Вялікабрытаніі таксама ўхвалена вакцына AstraZenecа, распрацаваная навукоўцамі Оксфардскага ўніверсітэта.
У Беларусі будуць прышчапляць расійскай вакцынай «Спадарожнік V».
