Знайсці
06.01.2021 / 11:21РусŁacБел

Больш за 6000 хрысціян Беларусі запатрабавалі ад уладаў аднавіць законнасць у краіне. Сярод іх — 96 святароў

Хрысціяне усіх канфесій з розных рэгіёнаў Беларусі звярнуліся да прадстаўнікоў дзяржаўных органаў з патрабаваннямі спыніць гвалт, аднавіць законнасць і правесці новыя прэзідэнцкія выбары ў Беларусі. Сярод падпісантаў — 96 святароў.

— Свядомае скажэнне інфармацыі аб выніках галасавання на прэзідэнцкіх выбарах 9 жніўня 2020 года, ілжэсведчанні ў судах, дэзынфармацыя ў СМІ, загадзя неправасудныя рашэнні — гэта не толькі парушэнне законаў Рэспублікі Беларусь, але і цяжкі грэх. Не хлусі, не кажы лжывага сведчання — гэта Божая запаведзь, — адзначаюць аўтары звароту.

На думку падпісантаў, «прымяненне зброі сілавымі структурамі Беларусі, якое прывяло да гібелі мірных грамадзян, катаванні і прычыненне цяжкіх цялесных пашкоджанняў перавялі палітычнае супрацьстаянне ў маральна-этычную плоскасць. Падтрымліваць незаконныя дзеянні ўладаў амаральна».

Сярод тых, хто падпісаў адкрыты ліст хрысціян Беларусі, 96 святароў праваслаўных, каталіцкіх, пратэстанцкіх і грэка-каталіцкіх цэркваў.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера