Знайсці
06.01.2021 / 08:52РусŁacБел

СМІ: Трамп змірыўся з паразай на выбарах, але публічна пра гэта не кажа

Прэзідэнт ЗША Дональд Трамп у прыватных гутарках прызнае сваю паразу на мінулых 3 лістапада выбарах, аднак не робіць гэтага публічна, каб тым самым прыцягнуць да сябе больш увагі. Пра гэта паведаміла ў аўторак газета Politico са спасылкай на свае крыніцы, піша ТАСС.

Паводле іх звестак, амерыканскі лідар таксама разумее, што ў сераду Сенат і Палата прадстаўнікоў Кангрэса ЗША на сумесным пасяджэнні зацвердзяць перамогу абранага прэзідэнта Джозэфа Байдэна. Па словах крыніцы выдання, кіраўнік Белага дома нават прызнаўся, што ён «проста расчараваны» паразай на прэзідэнцкіх выбарах. Кіраўнік дзяржавы, адзначае газета, змірыўся са сваёй паразай літаральна ў апошнія тыдні. Нягледзячы на тое, што Трамп прызнае ў прыватных гутарках сваю паразу, адзначаюць крыніцы Politico, ён усё ж сцвярджае, што выйграў бы сумленныя выбары.

Амерыканскі лідар таксама абмяркоўваў з памочнікамі планы пакінуць Вашынгтон і адправіцца ў свой маёнтак Мар-а-Лага ў штаце Фларыда.

Трамп працягвае заяўляць пра фальсіфікацыі на выбарах толькі для прыцягнення да сябе большай увагі, тлумачыць выданне. «Сэнс [гэтых дзеянняў] у тым, каб прадстаўляць цікавасць і працягваць абмеркаванні ў навінах», — растлумачыла крыніца газеты.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера