У Столінскім раёне 18-гадовага хлопца падазраюць у забойстве пенсіянеркі

У Столінскім раёне следчыя высвятляюць акалічнасці забойства 71-гадовай жанчыны, паведамляе БелТА.

Днём 1 студзеня ў столінскую міліцыю звярнуўся мясцовы жыхар. Ён распавёў, што ў бацькаўскай хаце выявіў цела маці. Следча-аператыўная група высветліла, што смерць жанчыны носіць крымінальны характар. Распачалі крымінальную справу па п. 2 ч. 2 арт. 139 (Забойства заведама састарэлай асобы) КК.

У той жа дзень затрымалі падазраванага, гэта 18-гадовы жыхар суседняй вёскі.

NN.by

Хочаш падзяліцца важнай інфармацыяй
ананімна і канфідэнцыйна? Пішы ў наш Тэлеграм