Кіраўнік БПЦ Веніямін заклікаў да пакаяння, каб не дапусціць новага супрацьстаяння ў краіне

Прадстаяцель Беларускай праваслаўнай царквы мітрапаліт Мінскі і Заслаўскі Веніямін заклікаў да пакаяння, каб не дапусціць новага супрацьстаяння ў краіне, піша Інтэрфакс.

patriarchia.ru

«Не толькі царква, а кожны чалавек павінен клапаціцца аб тым, каб былі згода і мір у нашым грамадстве. Думаецца, што аналіз мінулага года і выпраўленне памылак, пакаянне ў тых няправільных дзеяннях, якія былі, з загладжваннем добрымі справамі — гэта асноўны ўклад», — заявіў кіраўнік БПЦ у эфіры тэлеканала АНТ у нядзелю.

Ён таксама заклікаў да асцярожнасці ў справах і ўчынках. «Усё ўзважана, усё з любоўю, з тым, каб не было новага развіцця супрацьстаяння», — дадаў Веніямін.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0