Івану Эйсманту знайшлі трэцяга намесніка — супрацоўніка КДБ

У старшыні Белтэлерадыёкампаніі Івана Эйсманта з’явіўся трэці намеснік. Гэту пасаду цяпер займае спецслужбіст Андрэй Іванец, звярнуў увагу карыстальнік ЖЖ d-zholik. 

Павялічыць

Не блытайце Андрэя Аляксандравіча Іванца з яго цёзкай — навукоўцам-сенатарам Андрэем Іванавічам Іванцом.

Іванец скончыў юрыдычны факультэт БДУ, а пасля магістратуру БДУ і Інстытута нацыяльнай бяспекі КДБ.

Раней ён фігураваў як член камісіі, якая ацэньвала прадукцыю замежных СМІ на адпаведнасць патрабаванням беларускага заканадаўства. У складзе гэтай камісіі Іванец быў падпісаны проста «супрацоўнік Камітэта дзяржаўнай бяспекі».

Іншыя намеснікі Эйсманта — Сяргей Гусачэнка і Вольга Кананюк (адказвае за фінансы).

NN.by

Хочаш падзяліцца важнай інфармацыяй
ананімна і канфідэнцыйна? Пішы ў наш Тэлеграм