СААЗ: Новыя штамы каранавіруса будуць выклікам 2021 года
Сусветная супольнасць у 2021 годзе павінна надаць пільную ўвагу даследаванню новых штамаў каранавіруса. Пра гэта заявіў на брыфінгу ў Жэневе генеральны дырэктар Сусветнай арганізацыі аховы здароўя (СААЗ) Тэдрас Гебрэйесус. Трансляцыя брыфінгу вялася ў Twitter арганізацыі.
Паводле яго слоў, СААЗ шчыльна працуе з навукоўцамі па ўсім свеце, каб лепш зразумець, як змяняецца каранавірус, а таксама тое, якім чынам гэтыя мутацыі адбіваюцца на яго здольнасці пашырацца і выклікаць у людзей захворванне.
Гебрэйесус падзякаваў Вялікабрытаніі і ПАР за «тэставанне і выяўленне новых разнавіднасцяў», а таксама заклікаў іншыя краіны дзяліцца інфармацыяй аб новых штамах каранавіруса.
У сярэдзіне снежня ўлады Вялікабрытаніі паведамілі аб выяўленні ў краіне новага штаму каранавіруса. Па словах прэм'ер-міністра Барыса Джонсана, новы штам на 70% заразнейшы за «звыклы» SARS-CoV-2. Аднак гэты штам не ўплывае на цяжкасць захворвання, казаў дырэктар Еўрапейскага рэгіянальнага бюро СААЗ Ханс Клюге, адзначае РБК.
Новую версію віруса выявілі і ў шэрагу іншых краін, у тым ліку ў Даніі, Італіі, Нідэрландах і Аўстраліі. У снежні аб новых мутацыях каранавіруса паведамілі таксама ў Нігерыі і ПАР.