Даслаць навіну
Знайсці
02.12.2020 / 15:46

Яшчэ аднаго мінчука забралі за сцяг на балконе. Жонка: Людзі ў цывільным ламіліся ў дзверы, а ў міліцыі сказалі: «Гэта нашы»

У мінскіх мікрараёнах Лебядзіны і Вяснянка працягваецца «спецаперацыя» па барацьбе са сцягамі на балконах. Людзей забіраюць проста з кватэр, абвінавачваюць у пікеце на ўласным балконе, пасля даюць штрафы ці нават суткі па артыкуле 23.34.

Раніцай 2 снежня забралі яшчэ аднаго жыхара Лебядзінага — Дзмітрыя Высоцкага. Мужчына жыве на вуліцы Мястроўскай.

Павялічыць

Дзмітрыя выводзяць міліцыянты і людзі ў цывільным

Расказвае яго жонка Алеся Высоцкая:

«Каля 7 раніцы мы з мужам збіралі дзіця ў сад. Нам пачалі грукаць у дзверы, мы спыталі: хто гэта? Нам адказалі, што міліцыя.

Але за дзвярыма былі двое ў цывільным.

Тады мы самі выклікалі міліцыю — адкрываць невядомым мы не збіраліся. Пазванілі ў 102, сказалі, што ў нашу кватэру невядомыя ломяцца.

У выніку прайшло хвілін 40. Увесь гэты час тыя ў цывільным стаялі і грукалі ў дзверы.

Нарэшце прыехала міліцыя. Ім мы адкрылі. У кватэру зайшла і міліцыя, і тыя ў цывільным. Міліцыянты сказалі: гэта нашы, мы іх ведаем.

Яны адразу прайшлі на баклон і знялі сцягі: у нас было 2 бел-чырвона-белыя сцягі, Пагоня і сцяг спартыўнага клуба «Арсенал». Апошні сцяг не ўзялі. Пагоню і бел-чырвона-белыя «госці» забралі з сабой.

Ніякі пратакол не складалі, мужу сказалі, каб ён збіраўся — маўляў, паедзе з імі».

Дзмітрый апрануўся, яго вывелі.

«Цяпер мы не ведаем, дзе ён. Казалі, што даставілі ў Цэнтральнае РУУС, там казалі, што суд будзе сёння. Пазней — што мужа адправілі на Акрэсціна. Што з ім цяпер — нам ніхто не кажа», — расказвае Алеся.

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
снежань студзень люты
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31