Знайсці
01.12.2020 / 22:05РусŁacБел

Расія раскрытыкавала «беларускіх палітмігрантаў, якія вандруюць па ЕС»

Заклікі беларускіх палітычных мігрантаў, што вандруюць па ЕС, накіраваны не на пошук дыялогу, а на раскручванне канфлікту. Аб гэтым заявіў кіраўнік МЗС Расіі Сяргей Лаўроў, паведамляе БелТА.

«Гаворачы аб закліках, якія беларускія палітычныя мігранты выказваюць з Вільні, Варшавы, іншых заходніх сталіц, падарожнічаючы па Еўропе, выступаючы ў розных структурах ЕС, выклікаюць шмат пытанняў, — сказаў Сяргей Лаўроў. — Яны нацэлены не на прасоўванне дыялогу, а на выстаўленне ўльтыматумаў. Іх ужо было нямала, уключаючы патрабаванні да вайскоўцаў, супрацоўнікаў праваахоўных органаў парушыць прысягу, сысці «ў падполле», перайсці на бок радыкальнай апазіцыі. Гэта ўсё выклікае вялікую занепакоенасць, таму што нацэлена на раскручванне канфлікту, а не на перавод яго ў палітычнае рэчышча, у рэчышча дыялогу, да чаго, як мы чулі неаднаразова, кіраўніцтва Беларусі гатова. Ёсць ініцыятыва аб канстытуцыйнай рэформе, Усебеларускім народным сходзе. Нядаўна ў Мінску абмяркоўвалі гэта з прэзідэнтам Рэспублікі Беларусь Аляксандрам Лукашэнкам і міністрам замежных спраў Уладзімірам Макеем. Актыўна падтрымліваем настрой на арганізацыю максімальна шырокага нацыянальнага дыялогу, падчас якога ўсе асноўныя групы беларускага грамадства змогуць унесці свой уклад у пераадоленне цяперашняй сітуацыі і нармалізацыю становішча».

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера