У Мінску тры чалавекі атрымалі тэрміны за гвалт над міліцыянерамі і пашкоджаны мікрааўтобус

За гвалт над міліцыянерамі і пашкоджаны мікрааўтобус асуджаныя тры чалавекі, паведамілі ў МУС.

30 жніўня міліцыя паведаміла аб нападзе на міліцыянераў і пашкоджанні службовага аўтамабіля каля плошчы Незалежнасці ў Мінску.

Была заведзена крымінальная справа і затрыманыя тры чалавекі (27, 34 і 42 гадоў).

У міліцыі паведамлялі ў жніўні, што затрыманыя — жыхары Мінска.

Суд Ленінскага раёна Мінска прызнаў мужчын вінаватымі ў гвалце і пагрозе яго прымянення ў дачыненні да супрацоўнікаў органаў унутраных спраў, паведамілі 1 снежня ў МУС. Дваіх мужчын асудзілі на пяць гадоў пазбаўлення волі, яшчэ аднаго — на чатыры. Мужчыны таксама павінны пакрыць маральную шкоду на агульную суму 15 тысяч рублёў.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0