Даслаць навіну
Знайсці
30.11.2020 / 14:45

Адвакат Бабарыкі: Ніякіх прапаноў аб вызваленні з СІЗА КДБ яму не паступала

Павялічыць

Фота Надзеі Бужан

Прапаноў аб вызваленні з СІЗА КДБ пад якія-небудзь умовы Віктару Бабарыку не паступала. Пра гэта Tut.by распавёў адвакат экс-прэтэндэнта ў прэзідэнты Дзмітрый Лаеўскі.

Адвакат Дзмітрый Лаеўскі пацвердзіў, што Віктар Бабарыка па-ранейшаму знаходзіцца пад вартай. Раней дачка Віктара Бабарыкі Марыя паведаміла Tut.by, што па справе Віктара, «на жаль, няма ніякіх навін». Так яна адказала на просьбу пацвердзіць вызваленне бацькі.

— Віктар Дзмітрыевіч знаходзіцца ў СІЗА КДБ, ніякіх прапаноў аб вызваленні яму не паступала. Хадайніцтвы і скаргі аб змене меры стрымання адхіленыя. Пра непрызнанне Віктарам Дзмітрыевічам віны паведаміла КДБ на сваім сайце — у гэтым дачыненні нічога не змянілася. Зараз мы разам з Віктарам Дзмітрыевічам знаёмімся з матэрыяламі справы. І працягваем настойваць на невінаватасці, — распавёў Лаеўскі.

Нагадаем, член прэзідыума Каардынацыйнай рады Павел Латушка ў інтэрв'ю телеграм-каналу заявіў, што, па яго звестках, пытанне аб вызваленні экс-кіраўніка Белгазпрамбанка і экс-прэтэндэнта ў прэзідэнты Віктара Бабарыкі ўздымалася на сустрэчы кіраўніка МЗС Расіі Сяргея Лаўрова і Аляксандра Лукашэнкі.

— Прайшла інфармацыя, што Віктар Дзмітрыевіч ўжо знаходзіцца на волі. Яна не пацвердзілася па розных каналах, хоць хто яго ведае. Магчыма, у бліжэйшы час яна пацвердзіцца, таму што цяпер Лукашэнка нібыта адстойвае пазіцыю, паводле нашых инсайдаў, аб тым, каб Віктар Дзмітрыевіч паехаў на Кіпр разам са сваім сынам. І гэта будзе ўмовай вызвалення. Але, я думаю, вельмі многае залежыць ад пазіцыі Віктара Дзмітрыевіча, — заявіў тады Латушка.

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
снежань студзень люты
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31