У Ізраілі да ўдзельнікаў перформанса пра беларускі АМАП прыйшла паліцыя

Суполка «Беларусы ў Ізраілі» вырашыла падтрымаць землякоў цэлым перформансам, які зладзілі на адной з галоўных плошчаў Тэль-Авіва: чалавек у балаклаве, з бізуном у руках, прыніжаў, абражаў і збіваў групу людзей з сінімі васількамі на грудзях, якія стаялі ля сцяны каля беларускай амбасады з узнятымі ўгару рукамі. Ролю амапаўца выканаў вядомы ізраільскі акцёр Міхаіл Ражэцкі. Ён настолькі ўжыўся ў ролю, што на нейкім этапе капітан ізраільскай паліцыі прыпыніў акцыю. Пасля кароткіх тлумачэнняў спектакль усё ж такі прадоўжыўся.

Павялічыць

Павялічыць

NN.by

Хочаш падзяліцца важнай інфармацыяй
ананімна і канфідэнцыйна? Пішы ў наш Тэлеграм