Кіраўнік МЗС Вялікабрытаніі запатрабаваў вызваліць беларускіх журналістаў
Міністр замежных спраў Вялікабрытаніі Дамінік Рааб заклікаў неадкладна вызваліць зняволеных у Беларусі журналістаў. Пра гэта палітык напісаў у Twitter.
I call for the immediate release of all journalists arbitrarily imprisoned in #Belarus, & for charges against them to be dropped. This is a cowardly attempt by Lukashenko’s regime to silence dissent & stop the reporting of #humanrights violations against the Belarusian people.
Кіраўнік МЗС заклікаў таксама зняць з журналістаў усе абвінавачванні. Ён назваў затрыманні журналістаў баязлівай спробай прымусіць замаўчаць іншадумства і спыніць рэпартажы аб парушэннях правоў чалавека ў Беларусі.
Сёння ў Беларусі за кратамі па адміністрацыйных або крымінальных справах знаходзяцца 12 журналістаў: гэта журналістка TUT.BY Кацярына Барысевіч, журналістка TUT.BY і «Новага Часу» Аляксандра Квіткевіч, журналісткі «Белсата» Кацярына Андрэева і Дар'я Чульцова, журналісты БелаПАН Максім Лаўрэцкі, Юлія Коцкая, Андрэй Шаўлюга, Андрэй Рабчык, журналісты Алег Груздзіловіч, Ігар Карней, Марына Кастылянчанка і Кацярына Мядзведзева.