ЕС пачынае падрыхтоўку новага раўнда санкцый супраць беларускіх уладаў

Міністры замежных спраў краін Еўрасаюза дамовіліся пачаць падрыхтоўку да новага раўнда санкцый супраць рэжыму Аляксандра Лукашэнкі. Пра гэта заявіў кіраўнік дыпламатыі ЕС Жазеп Барэль пасля пасяджэння ў Бруселі.

«Рэпрэсіі рэжыму Лукашэнкі супраць людзей не спыніліся. Мы ўжо ўнеслі ў санкцыйны спіс больш за 50 чалавек у рамках двух раўндаў санкцый, і сёння мы дамовіліся пачаць падрыхтоўку да новага раўнда санкцый», — сказаў Барэль.

Ён адзначыў, што на гэты раз санкцыі закрануць не толькі асобных людзей, але таксама інстытуты і кампаніі.

Барэль дадаў, што «Лукашэнка не ідзе на канструктыўны дыялог з грамадствам і сітуацыя ў Беларусі за апошні час толькі пагоршылася».

Nashaniva.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0