Знайсці
19.11.2020 / 15:46

Здала суседка. Жыхар Жлобіна атрымаў 3 месяцы арышту за «цынічныя надпісы» на асфальце

Павялічыць

Ілюстрацыйнае фота

19 лістапада ў Жлобіне судзілі 34-гадовага Дзяніса. Ён у верасні пакінуў на асфальце і слупах «цынічныя надпісы», за якія атрымаў крымінальны пераслед паводле артыкула 341 Крымінальнага кодэкса («Вандалізм»). Цынічнымі прызнаныя, сярод іншых, надпісы «3%» і «Жыве Беларусь!», піша Радыё Свабода.

Па версіі абвінавачання, сваім учынкам жлобінец хацеў «праявіць дэманстратыўную непавагу да грамадства і чужой уласнасці».

«На судзе прагучала, што ў той вечар Дзяніс быў нападпітку. Ён і сам гэта прызнае. Яго «здала» суседка, якая бачыла, як ён піша. Яна і выклікала міліцыю. Калі Дзяніса забралі, ягоныя бацькі самі зафарбавалі тыя надпісы. Там было «Лука 3%», «Жыве Беларусь» і яшчэ нешта з ужываннем нецэнзурнай лексікі», — паведаміў жыхар Жлобіна, які прысутнічаў на судзе.

Абвінавачаны прызнаў сваю віну і раскаяўся. Ён зазначыў, што калі б не выпіў у той вечар, то наўрад ці пайшоў бы пісаць на слупах і асфальце.

Адвакат прасіў не пазбаўляць падабароннага волі, бо злачынства не з'яўляецца цяжкім, не з'яўляецца небяспечным для грамадства, не прынесла фактычна нікому шкоды, апроч самога абвінавачанага. Абаронца выказаўся, што штраф будзе адэкватным пакараннем для жыхара Жлобіна.

Суд жа пастанавіў арыштаваць яго на тры месяцы.

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
люты сакавік красавік
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31