«Аднаўленчыя работы ішлі ўсю ноч»: Барсукоў пракаментаваў аднаўленне падачы вады ў Новай Баравой
Памочнік Лукашэнкі па Мінску Аляксандр Барсукоў пракаментаваў аднаўленне падачы вады ў раёне Новая Баравая.
«Водазабеспячэнне ў Новай Баравой адноўлена ў поўным аб'ёме. Учора кіраўніком дзяржавы была пастаўлена задача разабрацца і вырашыць праблему з вадой у мікрараёне «Новая Баравая». Мы стварылі штаб, сумесна са спецыялістамі Мінскводаканала выехалі на месца, ўніклі ў сітуацыю.
Адбылося незаконнае пранікненне і пашкоджанне запорнай арматуры, што паралізавала сістэму водазабеспячэння цэлага раёна. Аднаўленчыя работы і прамыванне сетак спецыялісты праводзілі ўсю ноч, былі адабраны пробы для правядзення лабараторнага кантролю якасці вады.
Пасля атрымання станоўчых вынікаў водазабеспячэнне цалкам аднавілі ўжо сёння раніцай», — цытуе словы Барсукова афіцыйны тэлеграм-канал Мінгарвыканкама.