Знайсці
17.11.2020 / 08:03

СМІ: Трамп хацеў ударыць па Іране, каб нашкодзіць Байдэну

Прэзідэнт ЗША Дональд Трамп кансультаваўся са сваімі дарадцамі з нагоды магчымай атакі на ядзерны аб'ект у Іране. Пра гэта паведамляе The New York Times са спасылкай на афіцыйныя крыніцы, блізкія да Белага дома.

Паводле звестак газеты, абмеркаванне магчымай атакі адбывалася ў мінулы чацвер, 12 лістапада, пасля таго, як міжнародныя інспектары паведамілі аб значным павелічэнні запасаў ядзерных матэрыялаў у Іране.

На сустрэчы прысутнічалі віцэ-прэзідэнт Майк Пенс, дзяржсакратар Майк Пампеа, новы кіраўнік Пентагона Крыстафер Мілер і кіраўнік Аб'яднанага камітэта начальнікаў штабоў генерал Марк Мілі. NYT піша, што дарадцы адгаворвалі прэзідэнта ад удару па Іране, паколькі ён можа прывесці да шырокамаштабнага канфлікту ў апошнія тыдні знаходжання Трампа на пасадзе. 

Гаворка ішла аб аб'екце побач з горадам Натанз у цэнтральнай частцы Ірана — за 30 км ад яго размешчаны камбінат, дзе вядзецца ўзбагачэнне ўрану. Завод з'яўляецца адным з найважнейшых элементаў іранскай ядзернай праграмы. Напярэдадні Міжнароднае агенцтва атамнай энергіі (МАГАТЭ) паведаміла, што ўранавыя запасы Тэгерана ў 12 разоў перавышаюць дазволеныя ядзернай угодай, з якой Вашынгтон выйшаў у 2018 годзе.

Трамп, паводле звестак NYT, пытаўся ў сваіх дарадцаў, якія варыянты рэагавання на гэтую сітуацыю даступныя. Пампеа і Мілі паведамілі яму пра рызыкі ваеннай эскалацыі ў рэгіёне, пасля чаго пакінулі сустрэчу. Паводле інфармацыі выдання, нягледзячы на тое, што кансультанты прэзідэнта па пытаннях бяспекі лічаць тэму з патэнцыйным ударам па ядзерным аб'екце вычарпанай, Трамп усё яшчэ шукае спосабы нанесці ўдар.

Па версіі газеты, такім чынам кіраўнік дзяржавы хоча сапсаваць адносіны з Іранам, каб яго суперніку на выбарах Джо Байдэну пасля прыходу да ўлады было цяжэй выканаць перадвыбарнае абяцанне і адрадзіць ядзерную здзелку на ўмовах 2015 года.

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
сакавік красавік май
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30