Азербайджан даў Арменіі адтэрміноўку на вывад войскаў з Кельбаджара

Арменія звярнулася праз Расію да Азербайджана з просьбай даць ёй адтэрміноўку на вывад войскаў і грамадзянскага насельніцтва з Кельбаджарскага раёна да 25 лістапада. Аб гэтым заявіў памочнік прэзідэнта рэспублікі Хікмет Гаджыеў.

Баку «з гуманістычных меркаванняў» пагадзіўся даць Ерэвану дзесяцідзённую адтэрміноўку.

«Улічваючы загружанасць адзінай дарогі з Кельбаджара ў Арменію і ўмовы надвор'я, Азербайджан адказаў на просьбу Арменіі згодай», — заявіў Гаджыеў.

Акрамя Кельбаджарскага раёна, Арменія, паводле пагаднення з Азербайджанам, павінна да 20 лістапада вызваліць Агдамскі і тэрыторыі ў Газахскім раёне, а да 1 снежня Лачынскі раён. Па словах Гаджыева, для гэтых тэрыторый тэрміны застануцца ранейшымі.

0

0

0

0

0

0