Дадому да выкладчыка БДУІР Вольгі Філатчанковай прыйшлі сілавікі
БелТА
Да выкладчыка з кафедры праграмнага забеспячэння інфармацыйных тэхналогій БДУІР Вольгі Філатчанковай сёння раніцай дадому ўварваліся сілавікі. Гэтую інфармацыю пацвердзіў dev.by кандыдат тэхнічных навук, дацэнт кафедры электронных вылічальных сістэм БДУІР Дзмітрый Самаль:
— Так. Яна мне асабіста тэлефанавала ў гэты момант, у 10:40. І за хвіліну да гэтага адпісалася з такім жа паведамленнем у наш выкладчыцкі чат. Цяпер тэлефон яшчэ жывы, але слухаўку не здымаюць, — сказаў Дзмітрый.
У телеграм-каналах з'явілася інфармацыя, што Вольгу Філатчанкову затрымалі ў ЖК «Каскад» — туды сёння раніцай таксама прыехалі сілавікі, якія абшукваюць кватэры мясцовых актывістаў. Але Дзмітрый Самаль гэтую інфармацыю абверг. Ён кажа, Вольга жыве недалёка ад МДЛУ.
У адміністрацыі ВНУ сказалі, што цяпер разбіраюцца — высвятляюць усе акалічнасці.
