Кастусёў сеў за адзін стол з Васкрасенскім і Шпакоўскім. Навошта?
Тэлеканал АНТ сёння ўвечары пакажа праграму «Аб'ектыўна», сярод удзельнікаў — Юрый Васкрасенскі, Алег Гайдукевіч, Аляксандр Шпакоўскі і старшыня партыі БНФ Рыгор Кастусёў. У эфіры будуць абмяркоўваць так званы «Круглы стол дэмакратычных сіл».
Рыгор Кастусёў патлумачыў «Нашай Ніве», чаму пагадзіўся на ўдзел у перадачы.
«Я прыйшоў, каб агучыць свае ўмовы ўдзелу ў дыялогу: 1) вызваленне ўсіх палітычных вязняў; 2) расследаванне фактаў гвалту з боку сілавікоў; 3) выкананне хаця б дзейнай Канстытуцыі.
Я ведаў, што будзе шмат крытыкі ад канапных змагароў, але мой удзел разлічаны не на прыхільнікаў перамен, а на тых, хто яшчэ глядзіць тэлевізар і верыць Лукашэнку.
Удзельнічаць было цяжка, бо трое на аднаго (Васкрасенскі, Шпакоўскі, Гайдукевіч), трэба было ўзважваць кожнае слова, каб яго не перакруцілі. Але няўдзел быў бы слабасцю», — сказаў палітык.
Юрый Васкрасенскі зарэгістраваў установу «Круглы стол дэмакратычных сіл» для арганізацыі перамоваў з уладамі
