Знайсці
10.11.2020 / 16:21

Гэты майстар маскіроўкі названы птушкай 2021 года ў Беларусі ФОТА

Павялічыць

Фота Мікалая Вараб'я

Ляляк названы птушкай 2021 года ў Беларусі, паведамляе greenbelarus.info. У фінальным галасаванні ён абышоў даўгахвостую сініцу. Птушкай 2020 года быў глушэц.

Ляляк гняздуецца на зямлі, актыўнічае ноччу і ўжо паляцеў з краіны да красавіка. Ён далятае да Паўднёвай Афрыкі!

Ляляк памерам з голуба, але з больш доўгімі крыламі і хвастом. Даўжыня цела да 29 см, размах крылаў да 64 см. Вага не перавышае 100 г.

Ляляк (ляляк звычайны) — адзіны прадстаўнік атрада казадоепадобных у Беларусі. А ўсяго ў свеце налічваецца каля 120 відаў з гэтага атрада. Руская назва (казадой), як і ў многіх іншых еўрапейскіх мовах, з'яўляецца калькай з лацінскай. Яна адлюстроўвае сувязь гэтага віду з пашамі і хатнімі жывёламі, вакол якіх птушкі лавілі насякомых.

Убачыць леляка ў дзікай прыродзе — вялікая ўдача, і не толькі таму, што ён актыўны толькі ў прыцемках і ноччу.

Гэтая птушка — майстар маскіроўкі, яго апярэнне практычна зліваецца з колерам лясной подсцілкі ці кары дрэва. Прыжмурыўшы свае вялікія вочы, птушка становіцца днём незаўважнай як для чалавека, так і для птушак-драпежнікаў.

Павялічыць

Фота Валерыя Дамброўскага

Ляляк мае ўнікальную дзюбу. Закрытым ён выглядае вельмі маленькім. Але варта птушцы адкрыць яго, як мы ўбачым незвычайна шырокі рот.

Ляляк не пераймаецца наконт будаўніцтва гнязда. Кладку з двух яек самка адкладае проста на лясную падсцілку, часцей за ўсё ў сасновым лесе. Аб прысутнасці птушкі можна даведацца па яго працягламу манатоннаму пошчаку, які нагадвае тарахценне матацыкла.

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
люты сакавік красавік
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31