У расійскім Варонежы вайсковец з сякерай і аўтаматам напаў на людзей на ваенным аэрадроме
На ваенным аэрадроме ў Варонежы салдат тэрміновай службы, узброены аўтаматам і сякерай, напаў на людзей. Пра гэта паведамляе «Пад'ём» у сваім тэлеграм-канале.
Надзвычайнае здарэнне адбылося каля 5-й гадзіны 9 лістапада. Вайсковец адабраў сякеру ў грамадзяніна, а затым пачаў страляць з аўтамата.
Паводле папярэдніх звестак, трое загінулі, яшчэ адзін чалавек паранены. Іх выявілі ў службовым памяшканні аэрадрома.
Нападнік уцёк з месца злачынства. Па іншых звестках, вайсковец забарыкадаваўся на тэрыторыі часткі. Крыніца «Інтэрфакса» сцвярджае, што з падазраваным, заблакаваным у адным з памяшканняў аэрадрома, вядуцца перамовы.
«Весці Варонеж» апублікавалі арыенціроўку — гэта 20-гадовы Антон Макараў. Пры сабе ў яго могуць быць пісталет і два магазіны з патронамі.
