На «Гродна Азот» спыніўся адзін з цэхаў. Што адбылося і чаму гарыць факел

У панядзелак раніцай з'явілася інфармацыя аб праблемах у працы цэха на «Гродна Азоце» «Аміяк-4» і аб тым, што ён нібыта спынены. Пазней сталі паступаць паведамленні пра тое, што над цэхам заўважылі факел, піша Tut.by.

На прадпрыемстве пацвердзілі, што спыненне цэха «Аміяк-4» сапраўды адбылося каля 5:30. Прычына — у тэхналагічным працэсе аддзялення ачысткі канвертаванага газу адбылося спыненне кампрэсара сінтэз-газу ў цэху «Аміяк-4» са скідам АВС (азотна-вадароднай сумесі) на факел».

«Цяпер вядуцца работы па наладжванні тэхналагічнага працэсу і далейшага пуску цэха ў працу. Пагрозы гораду, экалогіі, жыхарам і работнікам прадпрыемства няма», — паведамілі на прадпрыемстве.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0