Знайсці
07.11.2020 / 16:10

Якая станцыя самая душэўная, а на якой робяць найбольш фота? Пракаціліся на новай лініі метро і расказваем, чаго чакаць ФОТА

Павялічыць

Станцыя «Вакзальная»

Трэцюю лінію метро, якая ў будучым мусіць звязаць з цэнтрам Зялены Луг і Курасоўшчыну, будавалі шэсць гадоў. Спачатку адкрыццё планавалася на 3 Ліпеня, пасля — да выбараў. У выніку абралі Дзень кастрычніцкай рэвалюцыі: чым не знакавае свята?

Пракаціцца ў новенькім метро прыйшлі гарадскія хіпстары, пенсіянеры, бацькі з дзецьмі і самі работнікі метрапалітэна. Дзясяткі ног гуляюць па начышчанай плітцы, дзясяткі тэлефонаў здымаюць падземныя інтэр’еры. Асабліва цікава паглядзець на галоўную фішку — дзверы на платформе, з якімі метро стане больш бяспечным. Яны адчыняюцца толькі пасля таго, яе спынецца цягнік. На трэцяй лініі пускаюць адны ціхія «штадлеры».

«Выхад у горад — па эскалатары», — кіруе патокамі разгубленых пасажыраў супрацоўнік метро.

Пару практычна выведзеных лічбаў:

— 44 секунды — столькі спускаецца эскалатар на станцыю «Юбілейная». Яна самая глыбокая ў мінскай падземцы — каля 30 метраў. Хаця пасля кіеўскай «Арсенальнай» — дробязі, канечне.

— 6 хвілін — столькі часу патрэбна, каб праехаць усе «зялёныя» станцыі і дабрацца ад універсама «Чкалаўскі» да кінатэатра «Беларусь».

Больш за ўсіх фота збірае «Плошча Францішка Багушэвіча». Нібы ў літаратурным музеі, гараджане затрымліваюцца каля пано з цытатамі паэта. Побач са станцыяй знаходзіцца Сендайскі сквер і Акадэмічны музычны тэатр.

Павялічыць

Павялічыць

«Кавальская слабада» — самая душэўная. З каванымі выцінанкамі на столі (праца скульптараў Паўла Вайніцкага і Марыі Тарлецкай) і выявамі прыроды ў мармуры. Адзіная станцыя трэцяй лініі без калон.

Павялічыць

Павялічыць

На шырачэзнай платформе «Вакзальнай» заўважаю Альгерда Бахарэвіча і здымачную групу тэлеканала — паасобку.

«О, СТБ! Давай ім перашкодзім», — з усмешкай рэагуюць падлеткі на карэспандэнтку Ксенію Худалей і яе калегу.

Павялічыць

У пераходах і на саміх станцыях стаяць інфатэрміналы. Тут можна вывучыць схему метро і расклад наземнага транспарту, пачытаць пра Мінск. І так, у меню ёсць беларуская мова. А яшчэ кітайская і англійская.

На перасадачных станцыях усталявалі травалатары. Адразу ўспамінаецца аэрапорт і прыемнае чаканне падарожжаў, якія праз каранавірус і выбары амаль зніклі з нашага жыцця.

Павялічыць

«Вакзальная»

Напаліраваны граніт, футурыстычныя турнікеты, мноства камер назірання… Ідэальны парадак і атмасферу свята ў першы дзень працы трэцяй лініі парушаюць толькі зламаныя эскалатары — на дзвюх з чатырох станцый. Праязныя, на жаль, ніхто не дорыць — хай бы і на 20 паездак.

Павялічыць

Станцыя «Юбилейная»

Я, прызнацца, аматар метро — не люблю мёрзнуць на прыпынках. Усё дзяцінства чакала, пакуль ветку працягнуць да маіх Шабаноў. У выніку скончыла школу, універсітэт, а метро да дому так і не дайшло. Нават са схем гэта праектаваная станцыя перыядычна знікае.

Паглядзім, як хутка падземкі пад вокнамі дачакаюцца жыхары Курасоўшчыны.

Тэкст і фота Наталлі Лубнеўскай

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
люты сакавік красавік
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31