Буйныя тэлеканалы ЗША перапынілі выступ Трампа, калі ён заявіў пра махінацыі на выбарах
Некалькі буйных тэлеканалаў ЗША перапынілі трансляцыю выступу прэзідэнта ЗША Дональда Трампа з Белага дома, калі той пачаў рабіць бяздоказныя заявы аб мінулых прэзідэнцкіх выбарах, паведамляе The Verge. Выступ Трампа перапынілі тэлеканалы MSNBC, ABC, CBS, CNBC, NBC, а таксама выданне USA Today, піша Meduza.io.
У сваёй прамове Дональд Трамп, які балатаваўся на новы тэрмін ад Рэспубліканскай партыі, абвінаваціў прадстаўнікоў Дэмакратычнай партыі ў махлярстве і спробе скрасці выбары.
Таксама ён заявіў, што перамагае на выбарах, калі лічыць толькі «законныя галасы», хоць на самай справе падлік галасоў працягваецца ў некалькіх ключавых штатах.
Хутчэй за ўсіх дзейнічаў вядучы MSNBC Браян Уільямс, які перапыніў Трампа ў сярэдзіне выступу. Ён сказаў у эфіры: «Мы зноў знаходзімся ў незвычайным становішчы: мы не толькі перарываем прэзідэнта ЗША, але і папраўляем яго».
MSNBC immediately cuts off Trump when he moves to undermine the integrity of US election system.
"Here we are again in the unusual position of not only interrupting the President of the United States but correcting the President of the United States..." pic.twitter.com/IwVshBmosK
На CNBC вядучы Шэпард Сміт, перарываючы Трампа, заявіў, што «тое, што кажа прэзідэнт Злучаных Штатаў, у значнай ступені, абсалютна няправільна».
President Trump just spoke at the White House, as key states continue to count votes.
Shep has the facts: “What the President of the United States is saying, in large part, is absolutely untrue.” #Election2020https://t.co/E6DBt6OodDpic.twitter.com/HVa87qUCzB
Тэлеканалы CNN і Fox News паказалі выступ Трампа цалкам, пры гэтым журналіст CNN Дэніэл Дэйл назваў гэтую прамову «самай несумленнай» з 2016 года.