Золатавалютныя рэзервы ў кастрычніку крыху падраслі. Дзякуючы знешняй пазыцы і куплі валюты

Міжнародныя рэзервовыя актывы краіны 1 лістапада склалі 7 млрд 485,6 млн. даляраў ЗША, паведамляе Нацбанк.

За кастрычнік ЗВР выраслі на 164,2 млн. даляраў (2,2%) пасля зніжэння ў верасні на 136,4 млн (на 1,8%).

Павелічэнню ўзроўню золатавалютных рэзерваў у кастрычніку спрыяла прыцягненне ўрадам знешняй пазыкі, а таксама купля Нацбанкам замежнай валюты на біржы.

У кастрычніку ўрадам выканана знешніх і ўнутраных абавязацельстваў у замежнай валюце на 222 млн. даляраў.

Згодна з Асноўнымі напрамкамі грашова-крэдытнай палітыкі на 1 студзеня 2021 года аб'ём ЗВР павінен скласці не менш за 7,3 млрд. даляраў.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0