Лукашэнка і Пуцін цэлую гадзіну гаварылі па тэлефоне

Сёння адбылася гадзінная тэлефонная размова Лукашэнкі і прэзідэнта Расіі Пуціна.

Аднымі з асноўных пытанняў сталі сітуацыя з распаўсюджваннем COVID-19, абстаноўка вакол Беларусі і Расіі, а таксама ўнутры дзвюх краін.

Прадметам дэталёвага абмеркавання стала і сітуацыя ў свеце. У прыватнасці, у Злучаных Штатах Амерыкі і суседніх з Беларуссю краінах — Польшчы, Літве, Украіне.

Падрабязна абмеркавалі лідары і актуальныя пытанні ўнутранага парадку дня Расіі і Беларусі.

З іншых актуальных тэм размовы — пытанне перавалкі беларускіх тавараў з порта Усць-Луга, ваенна-тэхнічнае супрацоўніцтва.

Ішла гаворка і пра пачатак перамоў па пастаўках вуглевадародаў — нафты і газу — у Беларусь у будучым годзе.

NN.by

Хочаш падзяліцца важнай інфармацыяй
ананімна і канфідэнцыйна? Пішы ў наш Тэлеграм