У Гомелі мужчына сарваў дзяржаўны сцяг з будынка і выкінуў у сметніцу, яму пагражае тэрмін

46-гадовы гамяльчук сарваў сцяг з будынка на праспекце Леніна і выкінуў яго ў сметніцу, паведамляе прэс-служба МУС.

Прычым сцяг знайшла жанчына і падышла да патрульных.

На запісе камеры відэаназірання відаць, як мужчына забраўся на вулічны халадзільнік, зняў сцяг і кінуў яго на асфальт. Пазней выкінуў ў сметніцу на Сялянскай.

Асобу мужчыны высветлілі, да яго прыйшла міліцыя, але ён адмовіўся прайсці ў райаддзел міліцыі. Міліцыя паведамляе, што ён лаяўся і нават спрабаваў збегчы з дома праз запасны выхад.

Заведзена крымінальная справа за здзек з дзяржаўнага сімвала.

0

0

0

0

0

0