Даслаць навіну
Знайсці
04.11.2020 / 13:30

Што мы слухалі ў кастрычніку — дзесяць найцікавейшых альбомаў месяца АЎДЫЯ

Сусветна вядомыя калектывы парадавалі сваіх прыхільнікаў доўгачаканымі рэлізамі, не абышлося без навінак і ў айчыннай музыцы.

Groove Armada — Edge of the Horizon

Павялічыць

Брытанскія электроншчыкі выпусцілі першы за 10 гадоў лонгплэй у той час, калі вялікія фестывалі пастаўленыя на паўзу.

Альбом якраз і запісваўся ў рэжыме самаізаляцыі: музыканты проста згубіліся сярод інструментаў, сінтэзатараў і запісаў.

Мумий Тролль — Призраки Завтра

Павялічыць

Адзін з найбольш вядомых расійскіх гуртоў анансаваў на снежань свой чарговы альбом. Але ў кастрычніку прэзентаваў рэліз-сюрпрыз, у які ўвайшлі восем трэкаў, якія канцэптуальна не падыходзілі да снежаньскага альбома.

Чаму сюрпрыз? Магчыма, таму, што Ілля Лагуценка заспяваў разам з папулярнымі рэперамі T-Fest'ам і Скрыптанітам. Неблагая спроба пазнаёміць зумераў з класікай расійскай музыкі.

Róisín Murphy — Róisín Machine

Павялічыць

Дзесяць год таму ірландская спявачка Ройшн Мёрфі захацела запісаць альбом з дыскатэчна-клубнымі трэкамі. Менавіта той момант можна лічыць пачаткам стварэння альбома Róisín Machine, які пабачыў свет толькі цяпер.

У «машыне Ройшн» яшчэ шмат энергіі і бензіну. Ідэальны саўндтрэк для хатніх пятнічных вечарынак.

Future Islands — As Long as You Are

Павялічыць

Новая плытка амерыканскага гурта, галоўныя фішкі якога — аксамітны голас Сэма Хэрынга і непаўторныя ягоныя ж танцы, атрымалася больш разважлівай за папярэднія і менш дынамічнай, на наш погляд.

У той жа час гэта вельмі дарослы рэліз, напоўнены гармоніяй і надзеяй на тое, што побач заўсёды будуць людзі, якія не пакінуць слухача сам-насам.

Woodkid — S16

Павялічыць

Французскі кліпмэйкер, графічны дызайнер і аўтар-выканаўца Ёан Лемуан вядомы ў музычным свеце як Woodkid.

Сем гадоў таму ён выпусціў дэбютны альбом «The Golden Age», які праславіў аўтара дзівоснымі мелодыямі і запамінальнымі кліпамі.

Вярнуўшыся ў гэтым годзе, Woodkid прадставіў публіцы больш мінімалістычную версію свайго стылю з меланхалічным настроем.

Дай Дарогу! — Под вой собак

(асцярожна: нецэнзурная лексіка)

Павялічыць

Брэсцкія панкі анансавалі выхад альбома на жнівень, але з-за вядомых падзей рэліз адклаўся. Ад гэтага ён не страціў актуальнасць, хутчэй наадварот.

18 трэкаў, сярод якіх як свежыя хіты, так і тыя, якія ўжо палюбіліся слухачам («Не веру», «Помоги», «Баю-бай»). На вокладцы — куча знаёмых вобразаў і твараў.

Nothing But Thieves — Moral Panic

Павялічыць

Трэці альбом брытанскага гурта быў сустрэты крытыкамі неадназначна: адны адзначылі, што гэта больш падобна да кроку ўбок, чым да кроку наперад.

Іншыя ўхваляюць смеласць калектыву, які ўпэўнены ў сваім слухачы і не баіцца эксперыментаваць.

Gorillaz — Song Machine, Season One: Strange Timez

Павялічыць

Song Machine — гэта не зусім альбом, а нешта кшталту музычнага серыяла, які складаецца з музычных «эпізодаў» з рознымі знакамітымі гасцямі. У стварэнні альбома ўзялі ўдзел Элтан Джон, Роберт Сміт (у фіце з салістам The Cure згадваецца, дарэчы, Беларусь), Schoolboy Q і іншыя вядомыя музыканты.

У плыткі не існуе адзінай усёабдымнай тэмы або канцэпцыі. Стракатасць у настроях і саўндзе, магчыма, і ствараюць сэнс рэліза.

Faithless — All Blessed

Павялічыць

10 гадоў таму было абвешчана пра закрыццё праекта Faithless. Адбыліся развітальныя канцэрты, і на гэтым гісторыя калектыву павінна была скончыцца. Але нечакана музыкі вырашылі вярнуцца з новай музыкай.

У працы над новым альбомам не ўзяў удзелу фірмовы голас легендарнага трыа — Maxi Jazz. З-за гэтага новы альбом слухаецца інакш, чым папярэднія.

Bring Me The Horizon — Post Human: Survival Horror

Павялічыць

У рэцэнзіях альбом называюць найлепшым саўндтрэкам да канца свету. Музыканты запісвалі яго дыстанцыйна, па відэасувязі, а сама плытка натхнёная змрочнымі падзеямі бягучага года.

Піліп Каваленка

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
снежань студзень люты
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31