Знайсці
01.11.2020 / 09:37

Настаўніца з Брэсцкай вобласці выйграла ў юбілейнай перадачы «Поле цудаў» 16 прызоў — і аўтамабіль

Настаўніца пачатковых класаў з Драгічына Наталля Шварнюк на юбілейнай перадачы «Поле цудаў» (праграме — 30 гадоў) выйграла аўтамабіль, паведамляе газета «Заря». Праграму паказалі па ТБ у пятніцу.

Павялічыць

Наталля на фота справа, zarya.by

Наталля ўдзельнічала ў праграме ў нацыянальным беларускім касцюме. Паколькі яна нарадзілася і вырасла ў Драгічынскім раёне, які вядомы вырошчваннем ягадных культур, выкладчыца прывезла на шоу клубніцы.

Таксама разам са сваёй групай падтрымкі — ансамблем народнай песні «Зараначка» Наталля прыгатавала дранікі, калдуны і іншыя стравы беларускай кухні. У падарунак ад кіраўніцтва мясцовай гаспадаркі жанчына прэзентавала сыры.

Не менш прыемным сюрпрызам для вядучага стаў уласны верш.

Павялічыць

zarya.by

Наталля выйграла ў другой тройцы і фінале. На заробленыя балы яна выбрала падарункі: набор для зімовай рыбалкі, ноўтбук, камплект пасцелі, набор бытавой тэхнікі, які складаецца з трынаццаці прадметаў (халадзільніка, тэлевізара, мікрахвалевай печы, кававаркі, параваркі, хлебапечкі, кулера і інш.). А затым вырашылася на супергульню і выйграла аўтамабіль Lada.

У суперфінале трэба было адгадаць наступнае слова: як у старажытнай Русі называлі імяніны цара? Наталля сярод літар адгадала літару «т», а затым і ўсё слова — Тезоименитство.

Павялічыць

zarya.by

Але перш чым патрапіць за барабан на «Поле цудаў», нягледзячы на папярэднюю падрыхтоўку, звязаную з медыцынскімі аналізамі, прыезд у Маскву стаў некаторым выпрабаваннем. На беларуска-расійскай мяжы Наталлі і яе камандзе прыйшлося каля васьмі гадзін затрымацца. Была дадатковая праверка службы бяспекі. Кропку ў гэтым пытанні паставіла беларускае пасольства.

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28