Знайсці
28.10.2020 / 13:26РусŁacБел

Дыяспары з усіх куткоў планеты правядуць Сусветны кангрэс беларусаў анлайн

Упершыню за 26 гадоў незалежнай Беларусі дыяспары ўсяго свету аб'ядналі свае сілы для арганізацыі маштабнага мерапрыемства сусветнага ўзроўню. Кангрэс стане платформай для абмеркавання актуальных праблем, распрацоўкі стратэгіі выхаду з крызісу, аднаўлення зносінаў паміж беларусамі ўсяго свету і ўсталявання новых эфектыўных сувязяў.

ПАЧАТАК

00:00 Мiнск (GMT+3) 31.10.2020
17:00 Таронта (GMT-4) 30.10.2020
14:00 Сан-Францыска (GMT-7) 30.10.2020
10:00 Велiнгтан (GMT+13) 31.10.2020

ЗАКАНЧЭННЕ

02:00 Мiнск (GMT+3) 1.11.2020
19:00. Таронта (GMT-4) 31.10.2020
16:00 Сан-Францыска (UTC-8) 31.10.2020
12:00 Велiнгтан (GMT+13) 1.11.2020

Сусветны кангрэс беларусаў ставіць сваёй асноўнай мэтай кансалідацыю сацыяльнага, палітычнага, эканамічнага, навуковага патэнцыялу нацыі для вырашэння наяўнага палітычнага і эканамічнага крызісу і распрацоўкі плана пабудовы новай свабоднай Беларусі!

Арганізацыйны камітэт кангрэса плануе закрануць самыя актуальныя праблемы новай Беларусі ў сферы правоў і свабодаў чалавека, эканамічнага развіцця і прыцягнення інвестыцый, міжнароднага партнёрства і рэфармавання дзяржаўнага сектара, фінансавай палітыкі і сацыяльнага страхавання, экалогіі, тэхналагічнага развіцця грамадства і праблемы абнаўлення якаснага складу арміі, міліцыі, сістэмы адукацыі.

Удзельнічаць у якасці спікераў кангрэса далі згоду Святлана Ціханоўская і прадстаўнікі яе штаба, прадстаўнікі Рады БНР на чале з Івонкай Сурвілай, сябра прэзідыума Каардынацыйнай рады Павел Латушка, палiтык i грамадскi дзеяч Вольга Карач, заснавальнік таварыства «Беларусы замежжа» Арцём Лядоўскі, дыпламат i экс-пасол Рэспублікі Беларусь у Славацкай Рэспубліцы Iгар Ляшчэня i iншыя.

Арганізацыйны камітэт заклікае ўсе зацікаўленыя бакі далучыцца да Сусветнага кангрэса беларусаў.

Сайт кангрэса: belaruscongress.org
Facebook: www.facebook.com/belaruscongress/
Instagram: @belaruscongress
Telegram: t.me/belaruscongress
Twitter: @BelarusCongress

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера