Даслаць навіну
Знайсці
28.10.2020 / 08:17

Антыцелы да каранавіруса могуць жыць усяго некалькі месяцаў — навукоўцы

Ахоўны ўзровень антыцелаў досыць хутка зніжаецца пасля заражэння каранавірусам. Да такой высновы прыйшлі навукоўцы ў новым даследаванні, піша BBC.

Антыцелы з'яўляюцца ключавой часткай імуннай абароны і не дазваляюць вірусу пранікаць у клеткі арганізма.

Каманда Імперскага каледжа Лондана выявіла, што колькасць людзей з станоўчым вынікам тэсту на антыцелы знізілася на 26% з чэрвеня па верасень.

Навукоўцы сцвярджаюць, што імунітэт згасае, таму ёсць рызыка заразіцца вірусам некалькі разоў.

У Англіі больш за 350 тысяч чалавек пратэставалі на антыцелы ў рамках даследавання REACT-2.

У першым раўндзе тэставання, у канцы чэрвеня-пачатку ліпеня, антыцелы да СOVID-19 выявілі прыкладна ў 60 з 1000 людзей.

Але падчас апошняй серыі тэстаў, якую правялі ў верасні, іх мелі толькі 44 з 1000.

«Імунітэт слабее даволі хутка, прайшло ўсяго тры месяцы, і мы ўжо бачым зніжэнне ўзроўню антыцелаў на 26%», — кажа адна з даследчыц, прафесар Хелен Уорд.

Навукоўцы звярнулі таксама ўвагу на тое, што ўзровень імуннай абароны хутчэй зніжаецца ў людзей, старэйшых за 65 гадоў.

Пры гэтым даволі шмат медыкаў маюць нармальны ўзровень антыцелаў, што, на думку даследчыкаў, можа быць звязана з рэгулярным кантактам з вірусам.

Антыцелы пакрываюць паверхню каранавіруса, каб спыніць яго ўварванне ў клеткі нашага цела.

Пацверджаных выпадкаў паўторнага заражэння СOVID-19 пакуль што было зафіксавана вельмі мала.

І ёсць надзея, што паўторная інфекцыя будзе пераносіцца лягчэй, чым першая, паколькі арганізм павінен мець «імунную памяць» аб першым сутыкненні з хваробай і ведае, як супраціўляцца.

Даследчыкі кажуць, што іх вынікі не адпрэчваюць надзею на атрыманне дзейснай вакцыны. «Рэакцыя на вакцыну можа адрознівацца ад рэакцыі на натуральную інфекцыю», — кажа прафесар Пол Эліат, дырэктар праграмы REACT-2.

Але, на яго думку, цалкам магчыма, што некаторым людзям спатрэбіцца рэвакцынацыя для аднаўлення імунітэту.

NN.by

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2020 2021 2022
снежань студзень люты
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31