Святлана Алексіевіч атрымае найвышэйшую культурную ўзнагароду Даніі

Фота Надзеі Бужан

Капенгагенскі ўніверсітэт абвясціў аб прысуджэнні беларускай пісьменніцы, нобелеўскай лаўрэатцы Святлане Алексіевіч прэстыжнай прэміі Sonning Prize, піша Радыё Свабода.

«Мы з нецярпеннем чакаем магчымасці вітаць Святлану Алексіевіч і адзначыць яе працы і ўклад у еўрапейскую культуру», — сказаў Хэнрык Вэгенэр, рэктар Капенгагенскага ўніверсітэта.

Прэмія, названая ў гонар дацкага пісьменніка Карла Ёхана Сонінга (1879-1937), была ўпершыню прысуджана ў 1950 годзе Ўінстану Чэрчылю.

Сярод іншых папярэдніх лаўрэатаў — Нільс Бор, Лоўрэнс Аліўе, Інгмар Бергман, Вацлаў Гавэл, Ёрн Утцан і Ларс фон Трыер.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0