«Тампа-Бэй» выйграла Кубак Стэнлі, што зацягнуўся на тры месяцы з-за каранавіруса

Хакейны клуб «Тампа-Бэй Лайтнінг» перамог «Далас Старз» у шостым матчы серыі фіналу плэй-оф Нацыянальнай хакейнай лігі. Гульня скончылася з лікам 2:0, а «Тампа» выйграла серыю з вынікам 4-2 і стала новым уладальнікам Кубка Стэнлі.

Папярэдні раз клуб дамагаўся такога поспеху ў 2004 годзе.

Чэмпіянат Нацыянальнай хакейнай лігі, 103-і ў гісторыі, быў спынены ў сакавіку з-за каранавіруса.

У жніўні чэмпіянат быў адноўлены, але матчы гуляліся ў Таронта і Эдмантане, куды прыехалі 24 каманды. Матчы праходзілі без гледачоў.

Фінал прайшоў у Эдмантане.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0